Bainvegni sin la pagina da l'agid a victimas en Svizra

Agid a victimas – cuntanschibel en l’entira Svizra sut il numer 142

Dapi il 1 da matg è l’Agid a victimas cuntanschibel en l’entira Svizra sut il numer naziunal 142. Persunas che han subì violenza fisica, psichica u sexuala, survegnan agid e cussegliaziun sut quest numer.

Il dretg da survegnir agid a victimas han persunas ch’èn vegnidas feridas en moda fisica, psichica u sexuala tras in malfatg en Svizra. La purschida è gratuita ed anonima. Ella na sa drizza betg mo a persunas pertutgadas, mabain er a confamigliars ed a persunas che han ina stretga relaziun cun victimas e che tschertgan in’orientaziun u ina distgargia en connex cun ina situaziun da violenza.

Il numer 142 da l’Agid a victimas n’è betg in numer d’urgenza. En situaziuns acutas ston ins vinavant contactar la polizia u il servetsch da salvament sur ils chanals d’alarm existents.

Ulteriuras infurmaziuns

Incendi grond a Crans-Montana (VS)

Nus tuts essan fermamain consternads pervi da la disgrazia a Crans-Montana. Las autoritads s’engaschan per sustegnair en moda svelta ed efficazia las victimas e lur confamigliars. Sur l’adressa dad e-mail, line.help@police.vs.ch, survegnis Vus agid ed emprimas infurmaziuns davart la disgrazia. 

Ulteriuras infurmaziuns